תהילים פרק י״ג

אלַמְנַצֵּחַ מִזְמוֹר לְדָוִד:

בעַד אָנָה יי תִּשְׁכָּחֵנִי נֶצַח עַד אָנָה תַּסְתִּיר אֶת פָּנֶיךָ מִמֶּנִּי:

געַד אָנָה אָשִׁית עֵצוֹת בְּנַפְשִׁי יָגוֹן בִּלְבָבִי יוֹמָם עַד אָנָה יָרוּם אֹיְבִי עָלָי:

דהַבִּיטָה עֲנֵנִי יי אֱלֹהָי הָאִירָה עֵינַי פֶּן אִישַׁן הַמָּוֶת:

הפֶּן יֹאמַר אֹיְבִי יְכָלְתִּיו צָרַי יָגִילוּ כִּי אֶמּוֹט:

ווַאֲנִי בְּחַסְדְּךָ בָטַחְתִּי יָגֵל לִבִּי בִּישׁוּעָתֶךָ אָשִׁירָה לַיהוָה כִּי גָמַל עָלָי: